1978 թ. հոկտեմբերի 23-ին Էստոնիայի Տարտու քաղաքում հանդիսավորությամբ բացվեց խաչքար-աղբյուր՝ ի նշան էստոնացի և հայ ժողովուրդների բարեկամության։Հուշարձանը կերտված է տուֆից և տեղադրված է Տարտուի Ազատության այգում (Vabaduse puiestee) (հեղ.՝ գյումրեցի քանդակագործ՝ Ա. Ջիլավյան)։ Խաչքարի եզրային հատվածներին փորագրված են արձանագրություններ՝ էստոներեն, հայերեն և ռուսերեն լեզուներով։ Հայերեն արձանագրության մեջ ասվում է. «Ի նշան էստոնացի և հայ ժողովուրդների բարեկամության՝ համախմբված մեծ մանկավարժ Խաչատուր Աբովյանի կողմից։ Լենինական – Տարտու, 1978»։Հուշարձանի հարևանությամբ տեղադրված է նաև հուշատախտակ՝ նույն բովանդակությամբ գրությամբ էստոներեն և անգլերեն լեզուներով։ Օգտագործված գրականության ցանկ1. Աշխարհի հայկական հուշարձանները, Երևան, 2011, էջ 40:2. Погосян /Хахбакян/ Гагик, Памятники П армянской архитектуры и топонимики в странах Прибалтики.…

Լատվիայի մայրաքաղաք Ռիգայի հայկական Սուրբ Գրիգոր Լուսավորիչ եկեղեցին քաղաքի տեսարժան վայրերից է և Լատվիայի հայ համայնքի հոգևոր կյանքի կարևոր կենտրոնը։1993 թ. Լատվիայում պաշտոնապես գրանցվել է Հայ Առաքելական Եկեղեցին։ 1997 թ. դեկտեմբերի 17-ին դրվել են Ռիգայի հայկական եկեղեցու հիմքերը (նախաձեռնող՝ Սպարտակ Տեր-Ավետիսյան)։ Գործարարների աջակցությամբ տարածքը սեփականաշնորհվել է Հայ Առաքելական Սուրբ Եկեղեցուն, իսկ եկեղեցու շինարարությունն իրականացվել է հավատացյալների և համայնքի անդամների նվիրատվությունների շնորհիվ։2011 թ. հունիսի 30-ին եկեղեցին հանդիսավորությամբ օծվել է Ամենայն Հայոց Գարեգին Բ կաթողիկոսի ձեռամբ։ 2020 թ. հռչակվել է Հայ Առաքելական Սուրբ Եկեղեցու Մերձբալթյան երկրների թեմը, որի կենտրոնը դարձել է Ռիգայի Սուրբ Գրիգոր Լուսավորիչ եկեղեցին։Այսօր եկեղեցին ոչ միայն հայ հավատացյալների հոգևոր…

Ս. թ. հոկտեմբերի 23-ին ՀՀ ԿԳՄՍ նախարարության «Պատմամշակութային ժառանգության գիտահետազոտական կենտրոն» ՊՈԱԿ-ը և Լոռի-Փամբակի երկրագիտական թանգարանը կազմակերպում են «Լոռվա պատմահնագիտական ժառանգությունը» խորագրով հանրապետական գիտաժողով։ Գիտաժողովը տեղի կունենա Լոռի-Փամբակի երկրագիտական թանգարանում՝ մեկ հարկի ներքո համախմբելով Լոռվա մշակութային ժառանգության ուսումնասիրության և պահպանության տարբեր ոլորտներում մասնագիտացած հետազոտողների՝ պատմաբանների, մշակութաբանների, արվեստաբանների, հնագետների, ազգագրագետների, ճարտարապետների, վերականգնող-կոնսերվատորների, ֆոնդապահների և այլ մասնագետների։ Նրանք կներկայացնեն իրենց ընթացիկ և ավարտուն հետազոտությունների արդյունքները։ Գիտաժողովը կարևոր հարթակ է մասնագետների միջև գիտական երկխոսության ծավալման, ոլորտում իրականացվող հետազոտություններին ծանոթանալու, փորձի փոխանակման և նոր համագործակցությունների հաստատման համար։ Այն նաև կնպաստի համատեղ գիտական ծրագրերի մշակմանն ու իրականացմանը՝ միտված Լոռվա պատմամշակութային ժառանգության ուսումնասիրությանն ու պահպանությանը։

Սեպտեմբերի 8-11-ը Հովհաննես Շարամբեյանի անվան ժողովրդական արվեստի թանգարանում անցկացվեց «Ոչ նյութական մշակութային ժառանգությունը Ֆրանսիայում և դրա պահպանումը կայուն զարգացման տեսանկյունից» խորագրով քառօրյա վերապատրաստման դասընթացը։ՀՀ ԿԳՄՍ նախարարության Պատմամշակութային ժառանգության գիտահետազոտական կենտրոնի և Ֆրանսիայի ժառանգության ազգային ինստիտուտի համատեղ նախաձեռնությամբ կազմակերպված դասընթացը նախատեսված էր ոչ նյութական մշակութային ժառանգության ոլորտում գործունեություն ծավալող մասնագետների համար։Վերապատրաստման նպատակն էր մասնակիցներին ներկայացնել ոչ նյութական մշակութային ժառանգության պահպանության ֆրանսիական փորձը, ինչպես նաև կայուն զարգացման համատեքստում դրա պահպանության, կենսունակության ապահովման և փոխանցման ժամանակակից մոտեցումները։Դասընթացը վարում էին Ֆրանսիայի ոչ նյութական մշակութային ժառանգության ոլորտի առաջատար մասնագետներ Քիարա Բորտոլոտտոն և Լիլի Մարտինեն։Դասընթացն իրականացվել է ՀՀ ԿԳՄՍ նախարարության Պատմամշակութային ժառանգության գիտահետազոտական կենտրոնի և Հայաստանում…