Ս.թ. դեկտեմբերի 1-5-ը Պատմամշակութային ժառանգության գիտահետազոտական կենտրոնի աշխատակիցները՝ Վերականգնման բաժնի ղեկավար Ելենա Աթոյանցը, վերականգնողներ Արաքս Ալոյանը (մետաղ) և Սիրանուշ Խալիկյանը (խեցեղեն) գործուղվել էին Վրաստան՝ ք. Թբիլիսի և Մցխեթա՝ Վրաստանի պատմության ազգային թանգարանի Սիմոն Ջանաշիայի անվան վերականգնողական լաբորատորիա՝ վերականգնման աշխատանքների ընթացքին ծանոթանալու նպատակով:Թանգարան և վերականգնողական լաբորատորիա կատարած այցի ընթացքում Կենտրոնի աշխատակիցները վրացի գործընկերների՝ թանգարանի փոխտնօրեն Նինո Կալանդաձեի և մետաղի, ապակու վերականգնման բաժնի վարիչ Նինո Քեբուլաձեի, ինչպես նաև կերամիկայի ենթաբաժնի այլ աշխատակիցների և հնագետների ուղեկցությամբ ծանոթացան թանգարանային ցուցանմուշների վերականգնման, աշխատանքային տարածքի կազմակերպման, ցուցահանդեսի համար առարկաների պատրաստման և վերականգնման ողջ գործընթացի համար անհրաժեշտ փաստաթղթերի պատրաստման աշխատանքների՝ Վրաստանում կիրառվող մեթոդներին և սկզբունքներին։Մցխեթա քաղաքի թանգարանի…

Քասախի կիրճում հայտնաբերված վաղ միջնադարյան համալիրում Պատմամշակութային ժառանգության գիտահետազոտական կենտրոնի հնագիտական արշավախմբի (արշավախմբի պետ՝ Մհեր Խեչոյան) կողմից իրականացվող պեղումները լուսաբանել է 5-րդ ալիքը։Մանրամասները՝ տեսանյութում.

Լոռե բերդաքաղաքում Պատմամշակութային ժառանգության գիտահետազոտական կենտրոնի արշավախմբի (արշավախմբի պետ՝ Ա. Նալբանդյան) 2025 թ. իրականացրած փրկարարական-հետախուզական պեղումները բավականին հետաքրքիր և լուրջ արդյունքներ տվեցին։Վերականգնման ծրագրի շրջանակներում իրականացվող աշխատանքների ժամանակ պեղվեց և ուսումնասիրվեց երկրորդ (արքայական) բաղնիքի լողասրահի՝ ձորին հարող հատվածը, որը, ձորի եզրին գտնվելու պատճառով, կիսով չափ քանդված էր։ Այստեղ բացվեցին պատերի հիմքեր, երկու ջրավազան՝ ջրամատակարարման ու ջրահեռացման համակարգերով։Գտնվեցին մեծ թվով ջնարակված և հասարակ խեցեղեն, և որպես բացառիկ նմուշ՝ սիրամարգի պատկերով շքաղյուսը։Հետաքրքիր էին պեղումները նաև պարսպի տարբեր հատվածներում, այդ թվում՝ պարսպի կենտրոնում, մոտ 5 մ բարձրության վրա գտնվող գաղտնարանի մուտքի պեղումները, որի արդյունքում այն բացվեց գրեթե իր ամբողջ լայնությամբ, ինչը կնպաստի վերականգնման նախագծի…

Ս.թ. նոյեմբերի 18–21-ը տեղի ունեցավ ՀՀ ԿԳՄՍ նախարարության Պատմամշակութային ժառանգության գիտահետազոտական կենտրոնի և Ֆրանսիայի Ժառանգության ազգային ինստիտուտի հետ համատեղ կազմակերպված «Հյուսվածքների պահպանում և ներկայացում» խորագրով գիտագործնական դասընթացը՝ նախատեսված Հայաստանի գիտամշակութային տարբեր հաստատությունների գործվածքի հավաքածուների վերականգնող-մասնագետների և ֆոնդապահների համար։Դասընթացը վարում էին գործվածքից առարկաների վերականգնող-կոնսերվատորներ, առարկաների կանխարգելիչ պահպանման մասնագետներ Պատրիսիա Դալ-Պրան և Թալիա Բուզիդը (Ֆրանսիա):Քառօրյա գիտագործնական ակտիվ դասընթացի ընթացքում շուրջ 15 վերականգնող-մասնագետներ և ֆոնդապահներ՝ Պատմամշակութային ժառանգության գիտահետազոտական կենտրոնից, Հայաստանի պատմության թանգարանից, Հայոց ազգագրության և ազատագրական պայքարի պատմության ազգային թանգարանից, Հովհաննես Շարամբեյանի անվան ժողովրդական արվեստների թանգարանից և այլ կենտրոններից, ծանոթացան գործվածքների տեսակներին, դրանց պահպանման ժամանակակից միջոցներին, տեղափոխման համար անհրաժեշտ փաթեթավորման մեթոդներին և Ֆրանսիայի…