2022 թ․ գիտահետազոտական կենտրոնը հայաստանյան տարբեր թանգարանների հետ համագործակցությամբ կազմակերպել կամ մասնակցել է 5 ցուցադրության։ Մայիսի 21-ին «Էրեբունի» պատմահնագիտական արգելոց-թանգարանի հետ համատեղ բացվեց «Հողի գաղտնիքը․ Կարմիր բլուր» խորագրով ժամանակավոր ցուցադրությունը, որին ներկայացված էին նշանավոր Կարմիր բլուր հնավայրում 2013-2016 թթ․ ՀՀ ԿԳՄՍ նախարարության «Պատմամշակութային ժառանգության գիտահետազոտական կենտրոն» ՊՈԱԿ-ի իրականացրած պեղումներից (արշավախմբի ղեկավար՝ Հակոբ Սիմոնյան) հայտնաբերված հարյուրավոր գտածոներից մի փոքրիկ ընտրանի։2013-2016 թթ․ պեղվել է ավելի քան 250 դամբարան, որոնցից հայտնաբերված նյութերը վերաբերում են նախաուրարտական, ուրարատական և հետուրարտական շրջափուլերին՝ արտացոլելով մեր նախնյաց կենցաղին, ռազմարվեստին, արդուզարդին, հավատալիքներին և ծիսական պատկերացումներին բնորոշ տարրեր։Ցուցադրության բացմանը ներկա էին Երևանի քաղաքապետ Հրաչյա Սարգսյանը, Երևան քաղաքի ավագանու անդամներ, ՀՀ…

«Հայաստան. կրթություն, ժառանգության պահպանում և արժևորում»Հայաստանում Ֆրանսիայի դեսպանությունը Ֆրանսիայի Ժառանգության ազգային ինստիտուտի հետ համատեղ մեկնարկել են «Հայաստան. կրթություն, ժառանգության պահպանում և արժևորում» խորագրով գիտակրթական ծրագիրը, որի հայաստանյան կողմը ՀՀ ԿԳՄՍ նախարարության «Պատմամշակութային ժառանգության գիտահետազոտական կենտրոն» ՊՈԱԿ-ն է։Ծրագիրն իրականացվում է 2022 թ․ հուլիսից սկսած և տևելու է մինչև 2024 թ․։ Նախատեսված են մեկ տասնյակից ավելի գիտագործնական վերապատրաստման դասընթացներ Հայաստանում ժառանգության վերականգնման ոլորտի մասնագետների համար։ Հատուկ ուշադրություն է դարձվում հնագիտական գտածոների վերականգնմանը։ Առանձին դասընթացներ են իրականացվում նաև մշակութային արժեքների տարհանման ուղղությամբ։Դասընթացը մեկնարկից ի վեր ունեցել է արդեն իսկ 300-ից ավելի մասնակից հայաստանյան թանգարաններից և գիտահետազոտական տարբեր կազմակերպություններից։

«Համաշխարհային ժառանգության հուշարձանների կառավարումը Հայաստանում»Ծրագիրն իրականացվում է ՅՈՒՆԵՍԿՕ-ի Համաշխարհային ժառանգության կոմիտեի հետ համատեղ և ուղղված է ՅՈՒՆԵՍԿՕ-ի «Համաշխարհային ժառանգության ցանկ»-ում ներառված հայաստանյան հուշարձանախմբերի (Գեղարդի վանքն ու Ազատ գետի վերին հովիտը, Հաղպատի և Սանահինի վանքերը, Էջմիածնի Մայր տաճարն ու եկեղեցիները և Զվարթնոցի տաճարի հնավայրը) կառավարման պլանների ստեղծմանը։1996-2000 թթ․ «Համաշխարհային ժառանգության ցանկ»-ում ընդգրկված այս հուշարձաններն առաջին անգամ մանրամասն հետազոտվել և սկանավորվել են ՅՈՒՆԵՍԿՕ-ի դրամաշնորհի շրջանականերում, կազմվել են 2023-2030 թթ․ համար նշյալ հուշարձանների կառավարման պլաններ, որոնք պետք է նպաստեն ոչ միայն հուշարձանների պահպանությանը, այլև զբոսաշրջային հոսքերի կառավարմանը, ենթակառուցվածքների հիմնմանը։Ծրագրի շրջանակներում Հայաստան են հրավիրվել միջազգային փորձագետներ Շրի Լանկայից, Հունաստանից, Իտալիայից, Հարավաֆրիկյան Հանրապետությունից, իրականացվել առցանց…

2022 թ․ օգոստոսի 15-25-ը տեղի ունեցավ «Հնագիտական գտածոների վերականգնման ամառային առաջին դպրոցը», որը թույլ տվեց մասնակցության հայտ ներկայացրածներից ընտրված թվով 10 մասնակիցների ստանալու համապատասխան գիտելիքներ հնագիտական գտածոների վերականգնման ոլորտում։ Ինտենսիվ դասընթացը վարեցին գիտահետազոտական կենտրոնի և հայաստանյան տարբեր հաստատությունների փորձառու մասնագետները։ Բուն դասընթացից զատ՝ մասնակիցները հնարավորություն ունեցան ծանոթանալու պաղավայրից մինչև թանգարան շղթային՝ այցելելով Լոռի բերդ քաղաքատեղիի պեղավայր և Լոռի-Փամբակի երկրագիտական թանգարան։Դասընթացի ավարտին առավել ակտիվ և արդյունավետ մասնակցություն ունեցած անձինք աշխատանքի անցան գիտահետազոտական կենտրոնի հնագիտական գտածոների վերականգնման բաժնում։