Մայիսի 8-ին Պատմամշակութային ժառանգության գիտահետազոտական կենտրոնում տեղի ունեցավ բանախոսություն՝ նվիրված Լոռու մարզի Ամրակից գյուղի Սուրբ Նիկողայոս Հրաշագործ ռուսական եկեղեցու վերականգնման աշխատանքների ամփոփմանը:Միջոցառումը մեկնարկեց Պատմամշակութային ժառանգության գիտահետազոտական կենտրոնի տնօրեն Խաչիկ Հարությունյանի բացման խոսքով: Նա ներկայացրեց օրվա թեման՝ վերջերս հանրության կողմից բուռն քննարկումների առիթ դարձած Ամրակիցի Սուրբ Նիկողայոս եկեղեցու վերականգնումը, հատկապես՝ գունային լուծումների մասով։Օրվա բանախոս, վերականգնող ճարտարապետ Անդրանիկ Սարգսյանը ներկայացրեց ՀՀ ԿԳՄՍ նախարարության պատվերով իրականացված շուրջ 4 տարվա մանրակրկիտ ուսումնասիրությունների և շինարարական աշխատանքների ընթացքը։ Զեկույցի առանցքում այն ճարտարապետական լուծումներն էին, որոնց շնորհիվ հնարավոր է եղել վերականգնել հուշարձանի կառուցվածքային կայունությունն ու գունային ամբողջականությունը։Անդրադառնալով հանրային քննարկումների առիթ դարձած գունային լուծումներին՝ բանախոսը պարզաբանեց, որ դրանք…

Ս.թ. ապրիլի 27-29-ը տեղի ունեցավ Պատմամշակութային ժառանգության գիտահետազոտական կենտրոնի և Ֆրանսիայի ժառանգության ազգային ինստիտուտի համագործակցությամբ կազմակերպված «Հնագիտական տեքստիլ» գիտագործնական դասընթացը՝ նվիրված հնագիտական գործվածքների պահպանմանն ու վերականգնմանը։Դասընթացին մասնակցում էին մասնագետներ Հայաստանի տարբեր թանգարաններից և գիտահետազոտական կենտրոններից։Դասընթացի բանախոս՝ Պատրիսիա Դալ-Պրա (Ֆրանսիա):

Շառլ Ազնավուրի անվան մշակույթի և արվեստի պետական քոլեջի և Պատմամշակութային ժառանգության գիտահետազոտական կենտրոնի համագործակցությունը շարունակվում է։ Քոլեջի ուսանողները կենտրոնում ուսումնական պրակտիկայի շրջանակներում ոչ միայն մասնագիտանում են հնագիտական գտածոների վերականգնման մեջ, այլև խորությամբ ուսումնասիրում են հնագիտության մեթոդաբանությունը։Մասնավորապես, օրերս կայացած գործնական պարապմունքի ժամանակ ուսանողներ Սամվել Սարգսյանը, Սեդա Բաբայանը, Լուսինե Իսրայելյանը և Հայկ Ավագյանը ներկայացրել են հուշարձանագիտական իրենց զեկույցները։ Տեսական մասին հաջորդել են պեղումների գործնական վարժանքներ, որոնց ընթացքում ուսանողները ծանոթացել են դաշտային օրագիր վարելու նրբություններին և հետազոտական պեղումների հիմնական սկզբունքներին։

Միջնադարյան Հայաստանի ամենանշանավոր ամրոցներից մեկը՝ Լոռի բերդը, կրկին ուշադրության կենտրոնում է։ՀՀ ԿԳՄՍ նախարարության նախաձեռնությամբ և «Պատմամշակութային ժառանգության գիտահետազոտական կենտրոն» ՊՈԱԿ-ի նախագծով այստեղ իրականացվում են պարիսպների վերականգնման և տարածքի բարեկարգման աննախադեպ աշխատանքներ։Այս փուլում ամրոցի հարյուրավոր մետրեր ձգվող պարիսպները գրեթե ամբողջ երկարությամբ վերականգնվել են արտաքին կողմից։ Հատկանշական է, որ վերականգնման ընթացքում հին, մամռապատ քարերը պահպանվել են իրենց տեղերում, իսկ փլուզված հատվածները լրացվել են նորերով՝ առավելագույնս պահպանելով հուշարձանի ինքնատիպությունն ու պատմական շերտերը։2022 թ. իրականացված պեղումների շնորհիվ բացվել են նոր շերտեր և հայտնաբերվել է եզակի գաղտնուղի-անցուղի։ Այն հնարավորություն է տվել բերդի պաշտպաններին ներսի կողմից աննկատ դուրս գալ պարսպի վրա։Վերականգնման աշխատանքները կշարունակվեն ևս երկու տարի՝…