Հունիսի 12-ին Հայաստանի ֆրանսիական ինստիտուտում կայացավ «Տաթևի Մեծ անապատի վերականգնման նախագիծ» խորագրով համաժողովը՝ նվիրված Տաթևի Մեծ անապատի պեղումներին և վերականգնմանը, ինչպես նաև Որոտանի կիրճի մշակութային ժառանգության պահպանմանն ու կայուն զարգացմանը։Միջոցառումը կազմակերպվել էր «Պատմամշակութային ժառանգության գիտահետազոտական կենտրոն» ՊՈԱԿ-ի և Հայաստանում Ֆրանսիայի դեսպանության համատեղ ջանքերով` Հայաստանում Ֆրանսիական ինստիտուտի հետ գործակցությամբ։Համաժողովի բացման խոսքով հանդես եկավ Պատմամշակութային ժառանգության գիտահետազոտական կենտրոնի տնօրեն Խաչիկ Հարությունյանը՝ ողջունելով ներկաներին և ընդգծելով նմանօրինակ միջազգային համագործակցության դերն ու նշանակությունը հայկական հուշարձանների պահպանման գործում։Բացման արարողությունից հետո մասնագիտական զեկույցներով հանդես եկան ոլորտի առաջատար մասնագետներ Ֆատմա Քեբեն (Պատմամշակութային ժառանգության և մշակութային ծրագրերի պատասխանատու, ՀՀ-ում Ֆրանսիայի դեսպանություն, Հայաստանի ֆրանսիական ինստիտուտ), «Պատմամշակութային ժառանգության գիտահետազոտական կենտրոն»…

2026 թ. հունիսի 12-ին Հայաստանի ֆրանսիական ինստիտուտում տեղի կունենա «Տաթևի Մեծ անապատի վերականգնման նախագիծը» խորագրով համաժողովը։ Միջոցառումը նվիրված է ֆրանս-հայկական մասնագիտական համագործակցությանը, որի նպատակն է հայկական հարուստ մշակութային ժառանգության պահպանությունը, հուշարձանների վերականգնումն ու Որոտանի հովտի կայուն ու երկարաժամկետ արժևորումը։Համաժողովը կազմակերպվում է Պատմամշակութային ժառանգության գիտահետազոտական կենտրոնի և Հայաստանում Ֆրանսիայի դեսպանության (Հայաստանում ֆրանսիական ինստիտուտ) համատեղ ջանքերով։ Միջոցառման մանրամասները․• Ամսաթիվ․ Ուրբաթ, 12 հունիսի, 2026 թ․• Ժամանակահատված․ 14:00 – 19:00• Վայր․ Հայաստանում ֆրանսիական ինստիտուտ (ք․ Երևան, Ամիրյան փողոց 26)• Լեզու․ Ֆրանսերեն և հայերեն (կապահովվի համաժամանակյա/սինխրոն թարգմանություն)• Մուտքը․ Ազատ է բոլոր հետաքրքրված անձանց համար

Հարգելի´ գործընկերներ,ՀՀ ԿԳՄՍ նախարարության «Պատմամշակութային ժառանգության գիտահետազոտական կենտրոն» ՊՈԱԿ-ը և Լոռի-Փամբակի երկրագիտական թանգարանը 2026 թ. հոկտեմբերի 23-ին կազմակերպում են «Լոռվա պատմահնագիտական ժառանգությունը» խորագրով հանրապետական գիտաժողով: Գիտաժողովը տեղի կունենա Լոռի-Փամբակի երկրագիտական թանգարանում՝ իր հարկի ներքո համախմբելով Լոռվա մշակութային ժառանգության ուսումնասիրության ու պահպանության տարբեր բնագավառներում մասնագիտացող հետազոտողներին (պատմաբաններ, մշակութաբաններ, արվեստաբաններ, հնագետներ, ազգագրագետներ, ճարտարապետներ, վերականգնող-կոնսերվատորներ, ֆոնդապահներ և այլք)՝ ներկայացնելու իրենց ընթացիկ կամ ավարտուն ուսումնասիրությունները:Գիտաժողովը լայն հնարավորություն է ընձեռում մասնագետներին ծանոթանալու այս ուղղությամբ իրականացվող հետազոտական թեմաներին և համատեղ գիտական ծրագրերի մշակման հող նախապատրաստում։Գիտաժողովի զեկուցումների թեմատիկ ուղղություններն են՝ Գիտաժողովն անցկացվում է Հայագիտական ուսումնասիրությունները ֆինանսավորող համահայկական հիմնադրամի դրամաշնորհով։ Հարգանքով՝Գիտաժողովի կազմկոմիտե

Պատմամշակութային ժառանգության գիտահետազոտական կենտրոնի հնագիտական արշավախումբը (արշ. ղեկ.՝ Մհեր Խեչոյան) 2024 թ. փրկարարական պեղումներ իրականացրեց Շամուտի վտանգված դամբարանում։ Հայտնաբերված և 1-ին հազ. թվագրվող գտածոները վերականգնվեցին գիտահետազոտական մեր կենտրոնի վերականգնման բաժնում (վերականգնող՝ Անահիտ Եսայան): Վերականգնված 2-3 անոթներն ու մնացած ողջ նյութն օրերս հանձնվեց Լոռի-Փամբակի երկրագիտական թանգարան՝ մշտական պահպանության նպատակով։